Ani yapri aphuru takhuk jorano
Takhukno Ani hayung
Ani imang, chaitokma
Muchungma bebak omo Simino
Bangkwlap phiyogwi
Bwkrang phehelwi
Bwkhahai paiphwlaiya hayungo kiphilna.
Okhuima-kangma yokma
Muchungma tongthokma
Tamo manwi
O pharasa hayung saui man rikha
Bebak khochorjak khatang rio borogno.
Hanok nwng siliya
Okhuimabai ok hiyokmano
Nwng siniya bahaikhai totra ransa
Au wngnaino
Nini yagoba yakbara gilama bolaijaknai
Bwswksi bolaikha kwpalno nawi
Angkhaiba okpungo nini bolaimabai
Ani chaya aswkno
Yak laijak longoi narma
Kisisa Ari lawi khajama
O swrapsani sumsok suna bagwi
Swnamna nangkha takhukno hayung
Khao jolima ampaima kuplung
Logio tongo hamjakma nakhwrai
Tei kwnwi halokni bwstwngbai
Motomjak thwini halok
Khani khopteo khatijak
Imangni maichwlwino lainani
Salsa nowai bwkrangno sup subwi
Chumuibai batawi nokhao lam rikha
Logi rio kangjak jorani kothoma.
Nowaibai wngwi chumuibai bataimano
Risi ta mangdi tabuk
Laibuma riksadi
Nowaibai kwrwngma Ani kothoma
Tabukbo tal pilala nokholao
Habao jai nogo
Tai tai sajagwi tongo
Ani I hilik kothoma.
nowai wngwi – espan debbarma
