- Kirisoro-soro khapang bathongkhe sanaphano,
- Thaisa thaisa kokthaise khukni kokya.
- Nokha gurumsaui watwi,
- Thopsa thupsu kwlaimase thakya.
- Himmani yapiri kebel,
- Yakhwrai barna kok sarakya.
- Naharwi simi khano,
- Methepnasi kul paiya.
- Jora swlaijago, laibuma hujago,
- Imangni besertwi pherang philiksa kogo.
- Khani yarwngo bajak toksa toktwirok,
- Kirijagwi birsai thangbaio.
- Mwchangrinai kwrwikha,
- Naithokrinai kwrwikha,
- Bebakno hakchalo mwrwi mwrwi.
- Nukhorliya kebono oro tongtwtwi.
Nukhorliya ~ Kripasindu Debbarma
