Bwswk naithokma
Chini nuyungma.
Tongo orono chini laibuma
Yaksi yagra Twisa twi Tai
Khumulwng aribai khobjak
Kwcharo phursasa
Naithotok nokthong.
Swnam kwlangkha hagra
Radha Kishore manikya
Kung chugo chini
Tongthogo khapang
Tongkho tabokbo
Chini samo kwthang
Chini hukumu mukumu.
Bebak manthogo
Tongthok tongthogo
Yak pehel rikhai
Yapha mochomjak.
Sarik hinkhaino
Chwngri bangri philikbai
Chwngkhrubjak chini Nuyungma.
Janija muchungtwi
Tongthok tonglaio
Hamung siniya chamung
Chalaio berailaio.
Tongo astabol
Thwngmung khola.
Phung sarik
Jorano rwgwi
Jani muchungtwi
Thanglai ….
Badminton, cricket, Football,kerati.
Hayungni Gilama
Amchaini borokrok
Kuthumlaio Nuyungmao.
Khani muchungma
Baithang Swnamna.
Aroni bisingo ani
Uansokma
Nuyungma sapsutra kokno.
Swba kaibwswk
Uansoknai tongna
O simungni kokno
Yaksi yagra lama Bangmasing kwlaijak
Kosok Kusum
Hamya sitra ….
Nok nukhungni
Jabra bobra
Tai Gilama hamya
Sola,kotra kagoj
Lama ganao khibwi
Kwlango.
Kisa uansokya a kokrokno
Langmani bagwi bwswk
Chaya wng manno.
Kwlaijak nwgwi Hantarokno
Kha dwbwksao
Mwktwi yorsao
Uansogwi khuk peplao….
Uansokyade kisa phano
Khorogo Abono
Tamoni aswk Sak nangya
Wnglai??
O tongthaiba Nini anino
Saktharmung nango
Chini bebaknino…
————–+++++——–
