Tailam phiyogwi naharwi naikhe
Haparni boyar sipsawi phaikhe
tongthogwi phaio khapang
Twmabo mwlang chawi.
Sachwlangni kungkila pungwi phaiphuru
Khumtoya motom bahai saharwi
Haparni goron mwchangwi phaio
Bolong sikwla chawi.
Toksa toktwirok kok rwngma jora
Hapung hathairok khum barma jora
Motomhuhu bahaibai
Mwchangwi phaika sachwlangni goron.
Kwtal molni nobar sipsawi phaimabai
Sikwla sikilini kha udila chama jora
Hachwk hapung naharwi naikhe
Waikhum toyabai mwchangmahai
Mwchangjak sachwlangni goron.
Sachwlangni goron – Rima debbarma
