Tumungno nwng ani logi tongkhe
Laiphang muruibo thapao hor mwchung mano
Dongdari kongsini huluibo da bukrwi mano
Twibuk buksini barwi bo par wngwi mano
Hapung thaisini himwi bo par wngwi mano
Busulwngno khumulwng swnamwi mano.
O jadu tumungno nwng ani logi tongkhe
Imangno mwkthang chwng khlai mano
Twisa twikhreng sarwibo a rom tubui mano
Jalai kuphung hogwi thorai tan tubui mano
Bolong kuthugo habwi muya phai tubui mano
Raisok lwngo thangwi rai tanwi tubui mano.
Tamose manya tong nwng logi tongkhe
Nokhani Athukirino phanose khagwi tubui mano
Hor mwnago bo pohor chwngrwi mano.
Mungsa samung phanose karjaknai kwrwi
Ang khlaiwi manya nwng logi tongwi
Bebak samungnono ang khlai mano
Tumungno nwng ani logio tongkhe.
……..
