Langma le tongo kha kwrwi swk
Mangle tongo phula kwrwi swk
Borokle tongo dopha kwrwi swk
Mai phangle tongo mai bwthai kwrwi swk
Nokle tongo tongthai kwrwi swk
Chanaile tongo chajaknai kwrwi swk
Hathaile tongo nokthai kwrwi swk
Kuwale tongo twi kwrwi swk
Thansale hinu thansa nwkya swk
Bwtale tongo bwphayung kwrwi swk
Kanjaknaile tongo chumjaknai kwrwi swk
Yarungle tono bwchuk kwrwi swk
Pungnaile tongo khunanai kwrwi swk
Lamale tongo himnai kwrwi swk
Buphangle tongo bwlai kwrwi swk
Satungle tongo sakwlom kwrwi swk
Khorangle tisao loge rwnai kwrwi swk
Buskang himna kokle salaiu yapiri senai kwrwi swk
Mwktwile kwlaiu kha khamnai kwrwi swk
Chati chwngrunale mwchwgo hor rwnai kwrwi swk.
KWRWI SWK – UDAI MANIK TRIPURA
