Tong kwtal chwng tong nai
Buibai chwng kaham hinjak nai
Tong hamya chwng tong liya
Tong sitra chwng tong liya
Kubui lamao chwng yapri senai
Phainai lamao chwng chwngsa ronai
Lekha-pora chwng pori nai
Buini swlai chwng kotor ong nai
Ama sama twi chwng khwlai nai
Babu sama twi chwng tanlai nai
Okra-chakra no chwng borum khwlai nai
Takhuk-bukhuk bai chwng miliwi tong nai
Thansa chwng ong lainai
Bwskango chwng yapri selai nai
Buino chwng chuba lainai
Siyano chwng si ronai
Barat ha kotro no chwng hamjak nai
Tripura haste no chwng hamjak nai
Kokborokno chwng salai nai
Tak-borok chwng kanlai nai
